Judul Buku Ende No.15 Aut Na Saribu Hali Ganda
Penyanyi Buku Ende
Dilihat 107 views on this post


lirik laguĀ Aut Na Saribu Hali Ganda.

  1. Aut na saribu hali ganda saringar ni soarangki.
    Naeng nasa gogo bahenonku mamuji Debatantai.
    Paboa las ni rohangki hinorhon ni pambaenna i.
  2. Tung sura sahat soarangku tu ujung ni portibion.
    Naeng nasa jolma haraonku mamuji Debata tongtong.
    Tama do nasa hosangki hubaen pasangap Tuhani.
  3. Unang ma modom Ho tondingku . sai ngot ma ho sai hehe ma.
    Radot ma ho di ulaonmu sai puji Tuhan Debata.
    Sai pangke nasa malomi mamujimuji Tuhan i.
  4. Mauliate ma rohangku di Ho o Debata tongtong.
    Dibaen sude denggan basamu naung nilehonmu di au on.
    Ai dipatongon ho tongtong sude na ringkot di au on.
  5. Hupuji dohot Ho o Jesus Marningot asi ni rohaM.
    Marningot mudarMi na durus Ro di sude dengganbasaM.
    Patupa haluaon i Di au pardosa godang i.
  6. Ho pe o Tondi Parbadia Dipuji endeendengkon.
    Margogo jala marmulia Do Ho mangapul rohangkon.
    Molo hubaen na denggan i Hinorhon ni gogoM do i.
  7. Ai ise do mamasumasu Au on o Debata nda Ho ?
    Pamatangkon ro di tondingku Sai diparmudumudu Ho.
    Huhut lambas do rohaMi Manatap pardosaonki.
  8. Sai pujionku do basaM Saleleng na mangolu au.
    Pasangaponku do goarMu Saleleng na marhosa au.
    Maradu tos pe hosangki Naeng pujionku sangapMi.
  9. Sai jalo ma ale Tuhanku Pamujingkon na hurang i.
    Di surgo pe padengganonku Dung sahat au di lambungMi.
    Marloksaloksa hali do Disi endehononku Ho.


Semua lirik lagu batak yang ada di situs liriklagubatak.com adalah hak cipta dan hak milik dari pemiliknya masing-masing. Situs ini dimaksudkan sebagai sumber edukasi bagi pecinta musik yang tertarik untuk mempelajari lirik lagu batak favorit mereka.


Komentar Yang Masuk

Loading Facebook Comments ...
No comment yet. Let you write first comment.

Leave a Reply